In Hunc Medium Maxima Illabuntur Flumina, Quae Vniuersam Regionem Sericam Perluentia Vtque Existimo In Intima Continentis Vsque Magnis Nauigijs Peruia, Facillimam Rationem Exhibent Quaslibet Merces Ex Cataio, Mangi, Mien, Caeteriseque Circumfusis Regnis Contrahendi, Atque In Angliam Deportandi.

Caeterum cum non temere cam nauigationem intermissam crederem, opinabar ab Imperatore Russorum et Moscouiae obstaculum aliquod interiectum fuisse.

Quod si vero cum illius gratia vlterior illac nauigatio detur, suaderem profecto non primum Tabin promontorium quaerere, atque explorare, sed Sinum hunc atque flumina, in ijsque portum aliquem commodissimum, stationemque Anglicis Mercatoribus deligere, ex quo deinceps maiore opportunitate, minoribusque periculis Tabin promontorium, et totius Cathai circumnauigatio indagari posset. [Sidenote: Tabin promontorium ingens.] Esse autem ingens in Septentrionem excurrens promontorium Tabin, non ex Plinio tantum, verum et alijs scriptoribus, et tabulis aliquot (licet rudius depictis) certum habeo. Polum etiam Magnetis haud longe vltra Tabin situm esse, certis Magnetis obseruationibus didici: circa quem et Tabin plurimos esse scopulos, difficilemque et periculosam nauigationibus existimo: difficiliorem tamen ad Cathaium accessum fore opinor, ea pua nunc via in Occidentem tentatur. Propinquior enim fiet haec nauigatio polo Magnetis quam altera, ad quem propius accedere non puto tutum esse. [Sidenote: Quo propius ad polum acceditur, eo directorium Nauiticum magis a Septentrione deuiat.] Quia vero Magnes alium quam Mundi polum habet, quo ex omni parte, respicit: quo propius ad eum acceditur, eo directorium illud Nauticum magnetis virtute imbutum, magis a Septentrione deuiat, nunc in Occidentem, nunc in Orientem, prout quis vel orientalior, vel occidentalior est illo Meridiano qui per vtrumque polum Magnetis, et Mundi ducitur, Mirabilis est haec varietas, et quae nauigantem plurimum fallere potest, nisi hanc Magnetis inconstantiam norit, et ad poli, eleuationem per instrumenta subinde respiciat.

Enter page number Go  Previous Next
Page 224 of 490
Words from 62208 to 62482 of 136233