Cumque In Bello Contra Aliquos Congrediuntur Nisi Communiter Cedant, Omnes Qui Fugiunt, Occiduntur.

Et si vnus aut duo vel plures ex decem audacter accedunt ad pugnam, alij vero ex illo Denario non sequuntur similiter occiduntur.

Sed etiam si vnus ex decem vel plures capiuntur, socij eorum si non eos liberant, ipsi etiam occiduntur. Poro arma debent habere tallia. Duos arcus vel vnum bonum ad minus. [Sidenote: Armatura.] Tresque pharetras sagittis plenas, et vnam securim et funes ad machinas trahendas. Diuites autem habent gladios in fine acutos, ex vna parte tantum incidentes, et aliquantulum curuos. Habent et equos armatos, crura etiam tecta, galeas et loricas. Verum loricas et equorum cooperturas quidam habent de corio, super corpus artificiose duplicato vel etiam triplicato. Galea vero superius est de chalybe, vel de ferro: sed illud, quod in circuitu protegit collum et gulam, est de corio. Quidam autem de ferro habent omnia supradicta, in hunc modum formata. Laminas multas tenues ad vnius digni latitudinem et palma longitudinem faciunt, et in qualibet octo foramina paruula facientes, interius tres corrgias strictas et fortes ponunt. Sicque laminas, vnam alij quasi per gradus ascendendo, supponunt. Itaque laminas ad corrigias, tenuibus corrigiolis per foramina pradicta immissis, ligant, et in superiori parte corrigiolam vnam ex vtraque parte duplicatam cum alia corrigiola consuunt, vt lamina simul bene firmiterque cohareant. Hac faciunt tam ad cooperturas equorum, quam ad armaturas hominum. Adeoque faciunt ilia lucere, quod in eis potest homo faciem suam videre. Aliqui vero in collo ferri lancea vncum habent, cum quo de sella, si possunt, hominem detrahant. Sagittarum eorum ferramenta sunt acutissima, ex vtraque parte quasi gladius biceps incidentia, semperque iuxta pharetram portant limas ad acuendum sagittas. Habent vero scuta de viminibus, aut de virgulis facta. Sed non credimus, quod ea soleant portare, nisi id castra et ad custodiam Imperatoris ac principum, et hoc tantum de nocte. [Sidenote: Vsas bellorum.] In bellis astutissimi sunt: quia per annos xlij. cum cateris gentibus dimicarunt. [Sidenote: Mos tranandi flumina.] Cum autem ad flumim peruenerunt, maiores habent rotundum ac letie corium, in cuius summitate per circuitum ansas erebras facientes funem imponunt ac stringunt, ita quod in circuitu quasi ventrem efficiunt, quem vestibus ac rebus cateris replent, fortissimeque ad inuicem comprimunt. In medio autem ponunt sellas et alias res duriores: ibi quoque sedent homines. Huiusmodi nauim ad equi caudam ligant, et hominem, qui equum regat, pariter natare faciunt, vel habent aliquando duos remos, cum quibus remigant. Equo igitur in aquam impulso, omnes alij equi sequuntur illum, et sic transeunt fluuium. Pauperior autem quilibet vnam bursam vel saccum de corio bene consutum habet, in quo res suas omnes imponit, et in summitate fortiter ligatum, ad equi caudam suspendit, sicque modo pradicto transit.

The same in English.

How the Tartars behaue themselues in warre. Chap. 17.

[Sidenote: The military discipline of the Tartars] Chingis Cham diuided his Tartars by captaines of ten, captaines of an 100, and captaines of a 1000. And ouer ten Millenaries or captains of a 1000, he placed, as it were, one Colonel, and yet notwithstanding ouer one whole army he authorised two or three dukes, but yet so that all should haue especiall regart vnto one of the said dukes.

Enter page number Go  Previous Next
Page 55 of 162
Words from 27672 to 28197 of 82784