[Sidenote: Descendit Naui Per Flumen Volga.

Nota] De Ianuario enim vsque ad Augustum ascendit ipsi, et omnes alij versus frigidas regiones, et in Augusto incipiunt redire. Descendimus ergo in naui ab illo casali vsque ad curiam eius.

Et ab illo vsque ad villas maioris Bulgaria versus Aquilonem, sunt quinque dicta. Et miror quis Diabolus portauit illuc legem Machometi. [Sidenote: 30 dieta a Porta ferrea. Astracan.] A Porta enim ferrea, qua est exitus Persidis, sunt plusquam triginta dieta per transuersum, solitudinem ascendendo iuxta Etiliam vsque in illam Bulgariam, vbi nulla est ciuitas, nisi quadam casalia prope vbi cadit Etilia in mare. Et illi Bulgari sunt pessimi Saraceni, fortius tenentes legem Machometi, quam aliqui alij. [Sidenote: Descriptio curia Baatu.] Quum ergo vidi curiam Baatu, expaui, quia videbantur prope domus eius, quasi quadam magna ciuitas protensa in longum, et populus vndique circumfusus, vsque ad tres vel quatuor leueas. Et sicut populus Israel sciebat vnusquisque ad quam regionem tabernaculi deberet figere tentoria: ita ipsi sciunt ad quod latus curia debeant se collocare, quando ipsi deponunt domus. [Sidenote: Horda sonat medium.] Vnde dicitur curia Orda lingua corum, quod sonat medium, quia semper est in media hominum suorum: hoc excepto quod recte ad meridiem nullus se collocat, quia ad pattem illam aperiuntur porta Curia: Sed a dextris et a sinistris extendunt se quantum volunt secundum exigentiam locorum: dummodo recte ante curiam, vel ex opposito curia non descendunt. Fuimus ergo ducti ad quondam Saracenum, qui non prouidebat nobis de aliquo cibo sequenti die fuimus ad curiam, et fecerat extendi magnum tentorium, quia domus non potuisset capere tot homines et mulieres, quot conuenerant.

Enter page number Go  Previous Next
Page 265 of 315
Words from 69448 to 69712 of 82784