[Sidenote: Berta Vel Berca.] Est Alius Qui Dicitur Berta Super Baatu, Qui Pascit Versus Portam Ferream, Vbi Est Iter Saracenorum Omnium Qui Veniunt De Perside Et De Turchia, Qui Euntes Ad Baatu, Et Transeuntes Per Eum, Deferunt Ei Munera.

Et ille facit se Saracenum, et non permitit in terra sua comedi carnes porcinas.

Baatu in reditu nostro praceperat ei, quod transferret se de illo loco vltra Etiliam ad Orientem, nolens nuncios Saracenorum transire per eum, quia videbatur sibi damnosum.

Quatuor autem diebus quibus fuimus in curia Sartach, nunquam prouisum fuit nobis de cibo, nisi semel de modico cosmos. In via vero inter ipsum et patrem suum habuimus magnum timorem. Ruteni enim et Hungari, et Alani serui eorum, quorum est magna multitudo inter eos, associant se viginti vel triginta simul, et fugiant de nocte, habentes pharetras et arcus, et quemcunque inuenuint de nocte interficiunt, de die latitantes. Et quando sunt equi eorum fatigati veniunt de nocte ad multitudinem equorum in pascuis, et mutant equos, et vnum vel duos ducunt secum, vt comedant quum indiguerint. Occursum ergo talium timebat multum Dux noster. In illa via fuissemus mortui fame, si non portauissemus nobiscum modicum de biscocto.

[Sidenote: Exacta Maris Caspij descripto.] Venimus tandem ad Etiliam maximum flumen. Est enim in quadruplo maius quam Sequana, et profundissimum: Veniens de maiori Bulgaria, qua est ad Aquilonem, tendens in quendam lacum, siue quoddam mare, quod modo vocat illud mare Sircan, a quadam ciuitate, qua est iuxta ripam eius in Perside. Sed Isidorus vocat illud mare Caspium.

Enter page number Go  Previous Next
Page 260 of 315
Words from 68145 to 68394 of 82784