Et Multa Alia Faciebant Qua Erant Supra Modum Tadiosa.

Super omnia grauabat me, quod cum volebam dicere eis aliquod verbum adificationis, interpres meus dicebat, non facietis me pradicare:

Quia nescio talia verba dicere. Et verum dicebat. Ego enim perpendi postea, quum incepi aliquantulum intelligere idioma, quod quum dicebam vnum, ipse totum aliud dicebat, secundum quod ei occurrebat. Tunc videns periculum loquendi per ipsum, elegi magis facere. [Sidenote: Tanais fluuius.] Ambulauimus ergo cum magno labore de mansione in mansionem: ita quod paucis diebus ante festum beata Maria Magdalena veni ad fluuium magnum Tanais: qui diuidit Asiam ab Europa, sicut Nilus fluuius Agypti, Asiam ab Africa. [Sidenote: Casale Rutenorum.] In illo loco quo applicuimus fecerunt Baatu et Sartach fieri quoddam casale de Rutenis in ripa orientali, qui transferant nuncios et mercatores cum nauiculis. Ipsi transtulerunt nos primo et postea bigas ponentes vnam rotam in vna barca et aliam in alia, ligantes barcas ad inuicem; et sic remigantes transibant. Ibi egit dux noster valde stulte. Ipse enim credebat, quod illi de casali deberent nobis ministrare equos, et dimisit animalia qua adduxeramus in alia biga, vt redirent ad dominos suos. Et quum postulauimus ab eis animalia, ipsi respondebant quod habebant priuilegium a Baatu, quod non tenerentur ad aliud, nisi transferre euntes et redeuntes: etiam a mercatoribus accipiebant magnum tributum. Stetimus ergo ibi in ripa fluminis tribus diebus. Prima die dederunt nobis magnam borbatam recentem: secunda die panem de siligine et parum de carnibus, quas acceperat procurator villa ostiatim per diuersas domos. [Sidenote: Latitudo Tanais.] Tertia die pisces siccos, quos habent ibi in magna multitudine.

Enter page number Go  Previous Next
Page 231 of 315
Words from 60623 to 60882 of 82784