Qualiter Alani Venerunt Ad Eos In Vigilia Pentecostes.

Cap.

13.

In vigilia Pentecostes venerunt ad nos quidam Alani, qui ibi dicuntur [Marginal note: Vel Akas.] Acias, Christiani secundum ritum Gracorum; habentes literas Gracas et sacerdotes Gracos: tamen non sunt schismatici sicut Graci; sed sine acceptione personarum venerantur omnem Christianum: et detulerunt nobis carnes coctas, rogantes vt comedremus de cibo eorum, et oraremus pro quodam defuncto eorum. Tunc dixi quod vigilia erat tanta solennitatis, quod illa die non comederemus carnes. Et exposui eis de solennitate, super quo fuerunt multum gauisi; quia omnia ignorabant qua spectant ad ritum Christianum, solo nomine Christi excepto. Quasiuerunt et ipsi et alij multi Christiani, Ruteni et Hungari, vtrum possent saluari, quia oportebat eos bibere cosmos, et comedere morticinia et interfecta a Saracenis et alijs infidelibus: qua etiam ipsi Graci et Ruteni sacerdotes reputant quasi morticinia vel idolis immolata: quia ignorabant tempora ieiunij: nec poterant custodire etiam si cognouissent. Tunc rectificabar eos prout potui, docens et confortans in fide. Carnes quas detulerant reseruauimus vsque ad diem festum: nihil enim inueniebamus venale pro auro et argento, nisi pro telis et alijs [Marginal note: Nota diligentissime.] pannis: et illos non habebamus. Quum famuli nostri offerebant eis ipperpera, ipsi fricabant digitis, et ponebant ad nares, vt odore, sentirent, vtrum essent cuprum. Nec dabant nobis cibum nisi lac vaccinum acre valde et foetidum. Vinum iam deficiebat nobis. Aqua ita turbabatur ab equis, quod non erat potabilis. Nisi fuisset biscoctum quod habebamus, et gratia Dei, forte fuissemus mortui.

The same in English.

Enter page number Go  Previous Next
Page 222 of 315
Words from 58267 to 58516 of 82784