Et Frontem Anterius Vsque Ad Frontinellam, Super Quam Relinquunt Manipulum Pilorum Descendentium Vsque Ad Supercilia.

In angulis occipitis relinquunt crines, quibus faciunt tricas, quas succingunt nodando vsque ad aures.

Et habitus puellarum non differt ab habitu virorum, nisi quod aliquantulum est longior. Sed in crastino postquam est nupta radit caluariam suam a medietate capitis versus frontem, et habet tunicam latam sicut cucullam monialis, et per omnia latiorem et longiorem, fissam ante, quam ligat sub dextro latere. In hoc enim differunt Tartari a Turcis: quod Turci ligani tunicas suas ad sinistram, Tartari semper ad dextram. Postea habent ornamentum capitis, quod vocant botta, quod fit de cortice arboris vel alia materia, quam possunt inuenire, leuiore: et est grossum et rotundum, quantum potest duabus manibus complecti; longum vero vnius cubiti et plus, quadrum superius, sicut capitellum vnius columna. Istud botta cooperiunt panno serico precioso; et est concauum interius: et super capitellum in medio vel super quadraturam illam ponunt virgulam de calamis pennarum vel cannis gracilibus longitudinis scilicet vnius cubiti et plus: et illam sibi virgulam ornant superius de pennis pauonis, et per longum in circuitu pennulis cauda malardi, et etiam lapidibus praciosis. Diuites domina istud ornamentum ponunt in summitate capitis quod stringunt fortiter cum almucia, qua foramen habet in summitate ad hoc aptatum, et in isto recondunt crines suos quos recolligunt a parte posteriori ad summitatem capitis quasi in nodo vno et reponunt in illo botta, quod postea fortiter ligant sub gutture. Vnde quum equitant plures domina simul et videntur a longe, apparent milites, habentes galeas in capitibus cum lanceis eleuatis.

Enter page number Go  Previous Next
Page 200 of 315
Words from 52528 to 52785 of 82784