Viri Ingredientes Domum Nullo Modo Suspenderent Pharetram Ad Partem Mulierum.

Et super caput Domini est semper vna imago quasi puppa et statuuncula de filtro, quam vocant fratrem domini:

Alia similis super caput domina, quam vocant fratrem domina, affixa parieti: et superius inter vtramque illarum est vna paruula, macilenta, qua est quasi custos totius domus. Domina domus ponit ad latus suum dextrum ad pedes lecti in eminenti loco pelliculam hoedinam impletam lana vel alia materia, et iuxta illam statuunculam paruulam respicientem famulas et mulieres. Iuxta ostium ad partem mulieris est iterum alia imago cum vbere vaccino, pro mulieribus qua mungunt vaccas. De officio foeminarum est mungere vaccas. Ad aliud latus ostij versus viros est alia statua cum vbere equa pro viris qui mungunt equas. Et cum conuenerint ad potandum primo spargunt de potu illi imagini, qua est super caput domini: postea alijs imaginibus per ordinem: postea exit minister domum cum cipho et potu, et spargit ter ad meridiem, qualibet vice flectendo genu; et hoc ad reuerentiam ignis: postea ad Orientem ad reuerentiam aeris: postea ad Occidentem ad reuerentiam aqua; ad aquilonem proijciunt pro mortuis. Quando tenet dominus ciphum in manu et debet bibere, tunc primo antequam bibat, infundit terra partem suam. Si bibit sedens super equum, infundit antequam bibat, super collum vel crinem equi. Postquam vero minister sic sparserit ad quatuor latera mundi, reuertitur in domum et sunt parati duo famuli cum duobus ciphis et totidem patenis vt deferant potum domino et vxori sedenti iuxta eum sursum in lecto. Et cum habet plures vxores, illa cum qua dormit in nocte sedet iuxta eum in die: et oportet quod omnes alia veniant ad domum illam illa die ad bibendum:

Enter page number Go  Previous Next
Page 183 of 315
Words from 48008 to 48284 of 82784