[Sidenote: Zikia.] Vltra Illud Orificium Est Zikia, Qua Non Obedit Tartaris:

Et Sueui et Hiberi ad Orientem, qui non obediunt Tartaris.

Postea versus meridiem est Trapesunda qua habet proprium Dominum nomine Guidonem, qui est de genere imperatorum Constantinopolitanorum, qui obedit Tartaris: postea Synopolis qua est Soldani Turchia qui similiter obedit: postea terra Vastacij cuius filius dicitur Astar ab auo materno, qui non obedit. Ab orificio Tanaius versus Occidentem vsque ad Danubium totum est subditum. Etiam vltra Danubium versus Constantinopolim, Valakia, qua est terra Assani, et minor Bulgaria vsque in Solonomam omnes soluunt eis tributum. Et etiam vltra tributum condictum sumpserunt annis nuper transactis de qualibet domo securim vnam, et totum frumentum quod inuenerunt in massa. Applicuimus ergo Soldaia in 12. Kalendas Iunij: Et prauenerant nos quidam mercatores de Constantinopoli, qui dixerunt venturos illuc nuncios de terra sancta volentes ire ad Sartach. Ego tamen pradicaueram publice in Ramis Palmarum apud Sanctam Sophiam, quod non essem nuncius, nec vester, nec alicuius, sed ibam apud illos incredulos secundum regulam nostram. Tunc cum applicuissem, monebant me dicti mercatores vt caute loquerer, quia dixerunt me esse nuncium, et si non dicerem me esse nuncium, quod non praberetur mihi transitus. Tunc loquutus sum hoc modo ad capitaneos ciuitatis, imo ad vicarios capitaneorum, quia capitanei iuerant ad Baatu portantes tributum, et non fuerant adhuc reuersi. Nos audiuimus, dixi, de Domino vestro Sartach in Terra Sancta quod esset Christianus: et gauisi sunt inde vehementer Christiani, et pracipue Dominus Rex Francorum Christianissimus, qui ibi peregrinatur, et pugnat contra Saracenos, vt eripiat loca sancta de manibus eorum:

Enter page number Go  Previous Next
Page 167 of 315
Words from 43798 to 44054 of 82784