And For The Same Purpose, They Sent Their Ambassadours And Letters By Vs Also, Vnto Our Lord The Pope.

* * * * * Itinerarium fratris Willielmi de Rubruquis de ordine fratrum Minorum, Galli, Anno gratia 1253.

Ad partes Orientales.

Excellentissimo Domino & Christianissimo, Lodouico Dei gratia Regi Francorum illustri, frater Willielmus de Rubruquis in ordine fratrum Minorum minimus salutem, & semper triumphare in Christo. Scriptum est in Ecclesiastico de sapiente [Marginal note: Ecclus 39. ver 4.], In terram alienarum gentium transibit, bona & mala in omnibus tentabit. Hoc opus, Domine mi Rex, feci: sed vltinam vt sapiens et non stultus. Multi enim faciunt quod facit sapiens, sed non sapienter, sed magis stulte; de quorum numero timeo me esse. Tamen quocunque modo fecerim; quia dixistis mihi quando recessi a vobis, vt omnia scriberem vobis, quacunque viderem inter Tartaros, & etiam monuistis vt non timerem vobis scribere longas literas, facio quod iniunxistis: Cum timore tamen & verecundia, quia verba congrua mihi non suppetunt, qua debeam tanta scribere Maiestati. Nouerit ergo vestra sancta maiestas, quod anno Domini millessimo ducentessimo, quinquagessimo tertio, nonas Maij ingressi sumus mare Ponti, quod Bulgarici vocant, Maius Mare: & habet mille octo milliaria in longum, vt didici a mercatoribus, & distinguitur quasi in duas partes. Circa medium enim eius sunt qua prouincia terra, vna ad Aquilonem, & alia ad meridiem. Illa qua est ad meridiem dicitur Synopolis; & est castrum & portus Soldani Turchia. Qua vero ad Aquilonem est, est Prouincia quadam, qua nunc dicitur a Latinis Gasaria, a Gracis vero qui inhabitant eam super littus maris dicitur Cassaria, hoc est Casaria. Et sunt promontoria quadam extendentia se in mare, & contra meridiem versus Synopolim.

Enter page number Go  Previous Next
Page 165 of 315
Words from 43272 to 43532 of 82784