They Wrote The Said Letters Also In The Saracen Tongue That There Might Be Some Found In Our Dominions Which Could Reade And Interprete Them, If Need Should Require.

Qualiter licentiati fuerunt.

Cap. 32.

Vt autem nobis Tartari nostri dixerunt, proposuit Imperator nuncios suos nobiscum mittere. Volebat tamen, vt credimus, quod nos id ab eo peteremus. Sed cum vnus de Tartaris nostris, qui senior erat, nos ad hoc petendum hortaretur, nobis quidem, vt venirent, ne quaquam bonum videbatur. [Sidenote: Legate abhorrent a Tartarorum ad Christianos legatione.] Ideoque respondimus ei, quod non erat nostrum petere, sed si sponte ipse Imperator mitteret eos, libenter eos secure conduceremus, Domino adiuuante. Nobis autem ob plures causas vt venirent, non videbatur expedire. Prima quidem fuit, quia timuimus, ne visis dissentionibus aut guerris, qua fiunt inter nos, magis animarentur ad veniendum contra nos. Secunda fuit, timebamus eos exploratores terra fieri. Tertia vero, quia timebamus eos interfici. Gentes enim nostra arrogantes sunt et superba. Vnde quando seruientes, qui stant nobiscum, ex rogatu Cardinalis, legati scilicet Alemannia, in habitu Tartarico ibant ad ipsum, in via fere lapidati sunt a Teutonicis, et coacti sunt deponere habitum illum. Consuetudo autem est Tartarorum, vt cum illis, qui nuncios eorum occiderint, nunquam faciant pacem, nisi sumant de ipsis vltionem. Quarta etiam causa fuit, quia timebamus ne nobis auferrentur vi. Quinta vero causa erat, quia de aduentu eorum nulla foret vtilitas, cum nullum haberent aliud mandatum vel potestatem, nisi quod literas Imperatoris ad Dominum Papam et ad Principes deferrent, quas videlicet literas ipsi nos habebamus, et malum ex eorum aduentu posse contingere credebamus.

Enter page number Go  Previous Next
Page 159 of 315
Words from 41712 to 41971 of 82784