Volebat Enim Secundo Die, Sicut Superius Dictum Est, Contra Totam Occidentis Terram Vexillum Erigere, Quod Nos Volebat Ignorare.

Itaque reuersi stetimus paucis diebus, & iterum ad ipsum reuersi sumus.

Cum quo bene per mensem fuimus in tanta fame ac siti, quod vix viuere poteramus. Nam expensa, qua nobis pro diebus quatuor debantur, vix vni sufficiebant. Nec inuenire poteramus aliquid ad emendum, quia forum erat nimis remotum. [Sidenote: Cosmas Russus.] Sed Dominus nobis quendam Ruthenum, nomine Cosmam, aurifabrum praparauit, qui satis dilectus Imperatori, nos in aliquo sustentauit. Et hic nobis ostendit thronum Imperatoris, quem ipse fecerat, antequam poneretur in sede, & sigillum eiusdem, quod etiam fabricauerat ipse. [Sidenote: Chingay internuncius.] Post hoc Imperator pro nobis misit, nobisque per Chingay protonotarium suum dici fecit, vt verba nostra & negotia scriberemus, eique porrigeremus. Quod & fecimus. Post plures dies nos iterum vocari fecit, & vtrum essent apud Dominum Papam, qui Ruthenorum vel Sarracenorum, aut etiam Tartarorum literam intelligerent, interrogauit. Cui respondimus, quod nullam istarum literarum habebamus. Sarraceni tamen erant in terra, sed remoti erant a Domino Papa. Diximus tamen, quia nobis expedire videbatur, quod in Tartarico scriberent, & nobis interpretarentur, nos autem in litera nostra diligenter scriberemus, & tam literam quam interpretationem ad Dominum Papam deferremus. Tunc a nobis recesserunt, & ad Imperatorem iuerunt. Porro a die Beati Martini fuimus vocati. Tunc Kadac, totius imperij procurator, & Chingay & Bala, pluresque scriptores ad nos venerunt, nobisque literam de verbo ad verbum interpretati fuerunt. Et cum in Latina litera scripsissemus, faciebant sibi per singulas orationes interpretari, volentes scire, si nos in aliquo verbo erraremus.

Enter page number Go  Previous Next
Page 156 of 315
Words from 40921 to 41170 of 82784