Qui In Crastino Loquens Nobiscum, Dixit Quod Nullo Modo Auderet Accipere Baptisma, Quia Tunc Non Biberet Cosmos.

Christiani enim illius loci hoc dicebant, quod nullus verus Christianus deberet bibere:

Et sine potu illo non posset viuere in solitudine illa. A qua opinione nullo modo potui diuertere illum. Vnde noueritis pro certo quod multum elongantur a fide propter illam opinionem qua iam viguit inter illos per Rutenos, quorum maxima multitude est inter eos. Illa die dedit nobis ille capitaneus vnum hominem, qui nos deduceret vsque ad Sartach et duos qui ducerent nos vsque ad proximam herbergiam; qua inde distabat quinque dietas prout boues poterant ire. Dederunt etiam nobis vnam capram pro cibo et plures vtres lactis vaccini, et de cosmos parum: quia illud preciosum est inter illos. Et sic arripientes iter recte in aquilonem, visum fuit mihi quod vnam portam inferni transissemus. Garciones qui ducebant nos, incipiebant nobis audacter furari, quia videbant nos parum cautos. Tandem amissis pluribus vexatio dabat nobis intellectum Peruenimus tandem ad extremitatem illius prouinca, qua clauditur vno fossato ab vno mari vsque ad aliud: extra quam erat herbergia eorum apud quos intrassemus: videbantur nobis leprosi omnes: [Sidenote: Salina.] quia erant viles homines ibi collocati, vt reciperent tributum ab accipientibus sal a salinis superius dictis. Ab illo loco, vt dicebant, oportebat nos ambulare quindecim diebus, quibus non inueniremus populum. Cum illis bibimus cosmos: et dedimus illis vnum veringal plenum fructibus et panem biscoctum. [Sidenote: Decem dieta.] Qui dederunt nobis octo boues, vnam captram pro tanto itinere, et nescio quot vtres plenos lacte vaccino. Sic mutatis bobus arripuimus iter, quod perfecimus decem diebus vsque ad aliam herbergiam: nec inuenimus aquam in ilia via nisi in fossis in conuallibus factis, exceptis duobus paruis fluminibus. Et tendebamus recte in orientem ex quo exiuimus pradictam prouinciam Gasaria, habentes mare ad meridiem et vastam solitudinem ad aquilonem: qua durat per viginti dietas alicubi in latitudine; In qua nulla est sylua, nullus mons, nullus lapis. Herba est optima. In hac solebant pascere Comani, qui dicuntur Capchat. A Teutonicis vero dicuntur Valani, et prouincia Valania. Ab Isidoro vero dicitur a flumine Tanai vsque ad paludes Meotidis et Danubium Alania. Et durat ista terra in longitudine a Danubio vsque Tanaim; qui est terminus Asia; et Europa, itinere duorum mensium velociter equitando prout equitant Tartari: [Sidenote: Comania longitudo.] Qua tota inhabitabatur a Comanis Capchat, et etiam vltra a Tanai vsque [Marginal note: Etilia qua et Volga flumen.] Etiliam: Inter qua flumina sunt decem diete magna. [Sidenote: Russia.] Ad aquilonem vero istius prouincia iacet Russia, qua vbique syluas habet, et protenditur a Polonia et Hungaria vsque Tanaim: qua tota vastata est a Tartaris, et adhuc quotidie vastatur. Praponunt enim Rutenis, quia sunt Christiani, Saracenos: et cum non possunt amplius dare aurum vel argentum, ducunt eos et paruulos eorum tanquam greges ad solitudinem vt custodiant animalia eorum. [Sidenote: Prussia.] Vltra Russiam ad aquilonem est Prussia, quam nuper subiugauerunt totam fratres Teutonici. Et certe de facili acquierent Russiam, si apponerent manum. Si enim Tartari audirent, quod magnus sacerdos, hoc est, Papa faceret cruce signari contra eos, omnes fugerunt ad solitudines suas.

Enter page number Go  Previous Next
Page 116 of 162
Words from 58992 to 59502 of 82784