Et Sicut Dictum Est Supra De Tartaris, Debent Acies Suas Ordinare, Ac Legem Pugnantibus Imponere. Quicunque Conuersus Fuerit Ad Pradam Ante Victoriam Maximam Debet Poenam Subire:

Talis enim apud illos occiditur absque miseratione.

Locus ad pralium, si fieri potest, eligendus est planus, vt vndique possint videre, nec omnes debent in vnum conuenire, sed acies multas et diuisas, nec tamen nimis distantes ab inuicem facere. Contra illos qui primo veniunt, debent vnam aciem mittere, et alia parata sit ad iuuandum illam opportuno tempore. Habeant et speculatores ex omni parte, qui videant, quando veniunt acies catere. Nam ideo semper debent aciem contra aciem, vt ei occurrant, mittere, quoniam illi semper nituntur aduersarios in medio concludere. Hoc autem acies caueant, ne si etiam illi fugere videantur, diu post illos currant, ne forte, sicut facere solent, ipsos ad paratas insidias trahent: quia plus fraudulentia quam fortitudine pugnant. Et iterum ne fatigentur equi eorum: quia nostri multitudinem non habent equorum. Tartari vero quos equitant die vna, non ascendunt tribus diebus, vel quatuor postea. Pratera si cedunt Tartari, non ideo debent nostri recedere, vel ab inuicem separari: quoniam hoc simulando faciunt, vt exercitus diuidatur, et sic ad terra destructionem libere ingrediantur. Caterum Duces nostri die noctuque facere debent exercitum custodiri: nec iacere spoliati, sed semper ad pugnam parati: quia Tartari quasi Damones semper vigilant, excogitantes artem nocendi. Porro si aliqui Tartarorum in bello de suis equis proijciuntur, statim capiendi sunt, quia quando sunt in terra fortiter sagittant, et equos hominesque vulnerant.

The same in English.

Howe they may be resisted.

Enter page number Go  Previous Next
Page 111 of 315
Words from 29029 to 29282 of 82784