Sathanica, Inquam, Mordacitate Et Maledicentia In Nostram Gentem Scribere Non Erubuit, Nos Tamen Referre Pigeat:

Tanta eius est et tam abominanda petulantia, tam atrox calumnia. DEVS BONE:

Hoc conuiciorum plaustrum (paucissima namque attigimus: Nolui enim laterem lauare, et stulto, vt inquit ille sapientissimus, secundum stultitiam suam respondere, cum in ipsius Rhythmis verbum non sit quod conuicio careat) qui viderit, nonne iudicabit pasquilli istius autorem hominem fuisse pessimum, imo facem hominum, cum virtutis ac veritatis contemptorem, sine pietate, sine humanitate?

Sed hic merito dubitauerim, peiusne horum conuiciorum autor de Islandis meritus sit, an vero Typographus ille Ioachimus Leo (et quicunque sunt alij, qui in suis editionibus, nec suum nec vrbis sua nomen profiteri ausi sunt) qui illa iam bis, si non sapius Typis suis Hamburgi euulgauit. Hoccine impune fieri sinitis, o senatus populusque Hamburgensis? Hanccine statuistis gratiam deberi Islandia, qua vrbi vestra iam plurimos annos, exportatis affatim nostratium quibusuis commodis, pecudum, pecorumque carnibus butyro et piscium copia quotannis, pene immodica, quadam quasi cella penuaria fuit? [Sidenote: Vrbes Anglia commercia olim in Islandia excercentes.] Sensere huius Insula commoda etiam Hollandia olim et Anglia vrbes aliquot: Praterea Danis, Bremensibus, et Lubecensibus cum Islandis commercia diu fuerunt. Sed a nullis vnquam tale encomium, talem gratiam reportarunt, qualis hac est Gregoriana calumnia: In vestra, vestra inquam vrbe, nata, edita, iterata, si non tertiata: qua alias nationes, quibus Islandia vix, ac ne vix quidem, nomine tenus, alioqui innotuerat, ad huius gentis opprobrium et contemptum armauit: quam a ciue vestro acceptam iniuriam, iam 30. annos, et plus eo, Islandia sustinet.

Enter page number Go  Previous Next
Page 435 of 460
Words from 119961 to 120213 of 127955