Referam Igitur Pracipua, (Ijs Scilicet Omissis Qua Cum Alijs Communia Habet, Atque Hactenus Ventilata Sunt) Sed, Quam Ille, Longe Mitius; Ne, Vt Dixi, Lingua Ipsius Obscoena Petulantia, Aures Bona Et Erudita Offendantur: Qui Ipsum Videre Aut Audire Volet, Quarat Apud Propolas.

Nobis inquam, non est in animo putida ipsius calumnia et conuiciorum sentina, has chartas inquinare.

[Sidenote: 1. Obiectio seu conuicium.] Primum igitur obijcit Germanicus hic noster, si Dijs placet, Historicus: Multos ex pastoribus Islandia toto biennio sacram concionem ad populum nullam habere: Vt in priore editione, huius pasquilli legitur, quod tamen posterior editio eiusdem refutat: Dicens, eosdem pastores in integro anno tantum quinquies concionari solitos: qua duo quam rite sibi consentiant, videas bone Lector, cum constet Authorem mox a prima editione vix vidisse Islandiam. Ita scilicet plerumque mendacium mendacio proditur, iuxta illud: Verum vero consentit; Falsum nec vero nec falso.

Sed com nostrum non sit veritatem vspiam dissimulare, nos haud negandum ducimus conciones sacras circa id tempus, quo iste Sycophanta in Islandia vixit, nempe anno 1554. aut circiter multo fuisse rariores, quam sunt hodie, tum scilicet tenebris Papisticis vix dum discussis. Quod etiam de Psalmis Dauidicis a vulgo Latine demurmuratis, vt idem nostratibus exprobrat, intelligere est: Papista enim totam spem salutis in sua Missa collocantes, de concione aut doctrina parum fuere solliciti. Postquam vero caligine illa exempti sumus, aliter se rem habere, Deo imprimis gratias agimus: Licet quorundam pastorum nostrorum tardam stupiditatem, segnitiem et curam praposteram non possimus omni modo excusare. Quod vtrum in nullos suorum popularium etiam competat, alia quoque nationes viderint.

Enter page number Go  Previous Next
Page 415 of 460
Words from 114623 to 114876 of 127955