Vt Exempli Gratia. Pradia Seu Villa, Qua Cubilia Habent Plusquam 50.

Cubitos longa, 10.

Lata, alta 20. Tum reliquas domus, vt coenaculum, hypocaustum, penuarium &c. huic sua proportione respondentes. Possum multa nostratium adificia ampla et vasta, nec in speciem deformia, nec ob artis structuram et sumptuosam firmitudinem, seu robur, contemnenda cum aliquot delubris, siue sacris adibus, solis lignis, antiqua et operosa grauitate et pulchritudine extructis commemorare: Cuiusmodi est templum Cathedrale Holense atrium habens, cuius columna vtrinque quinque vlnas 14. alta, 5. circiter crassa: tum trabes ac tigna, et reliquum culmen, huic substructioni proportionaliter respondens. Ligna ad hoc ipsum atrium Anno 1584. horrenda tempestate collapsum, clementissimus Rex noster D. Fridericus cuius nobis sacratissima est memoria, Anno 1588. benignissime largitus est. Ipsum vero templum atrium suum omni quantitate manifeste excedit: tum templi intima pars qua chorus appellari solet, et templi meditullio, et atrio magnitudine nonnihil cedit. Erat autem hoc longe maius olim, vt accepi Schalholtense, quod iam bis concrematum, ad inferiorem magnitudinem redactum est. Praterea aliquot alia templa nostra Insula horum antiquam magnificentiam imitantia licet non aquintia. Sed hic nequaquam res exigere videtur, vt in prolixiorem eius rei descriptionem euager. Vt enim Domus et edificia nostra nihil depredicamus: ita eorundem nos nihil pudet, quod contenti paupertate nostra Christo gratias immortales agamus, qui a nobis vili tecto non dedignatur recipi, quodque templa et domus nostras quas Munsterus Krantzius et Frisius piscium et balenarum ossibus non vere dicunt extructas, non aspernetur magis, quam illa extraneorum culmina marmorea, parietes vermiculatos pauimenta tesselata reliquumque id genus ornamenti.

Enter page number Go  Previous Next
Page 374 of 460
Words from 103798 to 104048 of 127955