SECTIO SECVNDA.

[Sidenote: Must.

Krantz. Frisius.] Specus habitant plerumque, aut ad montium latera in excauatis mansiunculis. Et mox: Templa habent multa et domos ex ossibus piscium et balenarum constructas. Item: Multi etiam ad pellendam frigoris asperitatem in cauernis latitant, quemadmodum Africani ad solis astum vitandum. Item Munsterus. Multi in Islandia hodie costis et ossibus balenarum, domos suas construunt, &c.

Hic membrum secundum initium sumit, de incolarum viuendi ratione et moribus. Et primum, quibus vtantur, edificijs seu domibus: nempe secundum Munsterum, Krantzium, Frisium, &c. Specubus et montium cauernis. Quamuis autem in splendidis adificijs, alijsque id genus mundani ornatus pretiosis rebus parum inest, quod ad vere beatam vitam conferre queat, tamen nec hic veritatem tacere possumus: dicimusque omnino Cosmographos et Historicos in errore etiam hic versari. Etenim, cuiusmodi gentis publica domicilia esse scribunt, ea sunt tantum in paucis locis, tum magalia, vt opilionum, tum piscatorum casa et receptacula, eo tantum anni tempore quo piscatura operam dare, aut propter gregem excubare opus habent. [Sidenote: Negotiatio cum Noruagis desijt. Sylua fluctibus maris delata.] At ipsas domus, seu ipsa hominum domicilia, antiquitus quidem satis magnifice et sumptuose, quoad huius terra fert conditio, ligno, cespite et saxis habuerunt Islandi constructa, vsque ad illud tempus, quo illis cum Noruagis, qui ligna sufficiebant, negociatio, et mercium commutatio esse desijt, qua inde paulatim collabi incipiunt: Cum nec syluas adificijs aptas habeamus, nec fluctuum maris beneficio iam vt olim ad littora, quod minima ex parte sufficiat, adferatur: Nec mercatores extranei inopia nostra succurrant. Vnde plurima rura ignobiliora ab antiqua illa integritate multum declinarunt, et iam quadam collapsa sunt, quadam ruinam minantur. Nihilominus multa sunt pradia, multa villa, quas haud facile recensuero, quarum adificia veterem illam excellentiam imitantur, et quarum domus sunt maxima, et lata et longa, tum plarumque bene alta.

Enter page number Go  Previous Next
Page 373 of 460
Words from 103508 to 103797 of 127955