Habes Huius Rei Fundamentum, Lector, Sed Quam Incredibile, Ipse Vides.

Quid vero tandem est animi nautis, qui in mari procelloso videntes scopulum, vel, vt Munsterus, Insulam perexiguam emergere, non vitent potius omni studio, allisionem et naufragium metuentes, quam vt in portu parum tuto quiescere tentent?

Sed vbi anchora figenda? Solent enim, vt plurimum deesse nautis tam immensi funes, vt in altissimo aquore anchoram demittant: Igitur in dorsis cetorum, respondet Munsterus. Oportet igitur, vestigium vnci prius effodiant. O stultos nautas, balenarum carnem, a terra cespitibus, inter fodiendum, non dignoscentes nec lubricam cetorum cutem, a terrestri superficie internoscentes. Digni profecto, quibuscum ipse Munsterus, nauclerus transfretaret. Equidem hoc loco, vt et superius, de miraculis Islandia terrestribus agens, e Tantali; vt aiunt, horto fructus colligit, id est, ea consectatur, qua nunquam reperiuntur, nec vsquam sunt, dum miracula hinc inde conquirere, terram et pelagus verrere, ad Historia sua supplementum studet: Vbi tamen nihil nisi cotnmentitia tantum venari potest.

Vocantur autem lingua eorum Trollwal. Ne vltra peram, Munstere: Nullam siquidem es lingua nostra cognitionem adeptus: Quare merito puderet tantum virum, rem ignotam alios velle docere: Est enim eiusmodi incoeptum erroribus obnoxium complurimis, vt vel hoc tuo exemplo docebimus. Dum enim vis alijs autor esse, quomodo nostra lingua balena vel cete appellentur, detracta, per inscitiam, aspiratione, qua pene sola vocis significationem facit, quod minime verum est, affers: Non enim val nostra lingua balenam, sed electionem siue delectum significat, a verbo, Eg vel .i. eligo, vel deligo: vnde val, &c. At balena Hualur nobis vocatur: Vnde tu Trollhualur scribere debebas.

Enter page number Go  Previous Next
Page 327 of 460
Words from 91334 to 91585 of 127955