Iuxta Metonem In Messania, In Puteo Quodam Optime Olens Aqua Hauriebatur.

Hac ideo recito, vt nullus magis in Islandia quam alibi, aquarum, colores, odores, sapores, miretur.

Quartus plane exitialis. Autor est Isidoras, esse fontem quendam, cuius aqua pota vitam extinguat: Et Plinius: Iuxta Nonarim, inquit, Arcadia, Styx (iuxta Cyllenem montem, ait Cardan. Sola equi vngula continebatur: referunt ea sublatum Alexandrum magnum) nec odore differens, nec colore, epota illico necat. Idem, In Beroso Taurorum colle sunt tres fontes sine remedio, sine dolore mortiferi: Et quod longe maximum est, quod Seneca stagnum esse dicat, in quod prospicientes statim moriantur. Nos vero Islandi etiam hunc quartum Frisij fontem, cuius etiam Saxo meminit, vt antehac semper, itidem etiam nobis hodie penitus ignotum testamur: Hocque igitur nomine, Deo immortales gratias agimus, quod ab eiusmodi fontibus & serpentibus, insectis venenatis, ac alijs pestiferis & contagiosis, esse nos immunes voluerit.

Praterea est apud pradictos fontes tanta sulphuris copia. Montes tres a Munstero & Frisio igniuomi dicti, omnes longissimo interuallo a nostris fodinis distant. Quare cum iuxta hos montes fontibus quatuor, quos tantopere miraculis celebrant, locum & situm faciant, necesse est eos fontes pari fere interuallo a fodinis sulphureis remotos esse. Nec vero apud montem Heclam, vt Munsterus, nec apud hos Frisij fontes (quorum rumor quam verus sit, hactenus ostensum est) sulphur effoditur: Nec patrum nostrorum memoria effossum esse arbitramur. [Sidenote: Sulpher in bore. ali Islandia parte.] Neque verum est, quod de sulphuris copia tradit Munsterus, esse videlicet pene vnicum Insula mercimonium & vectigal. Nam cum insula in quatuor partes diuisa sit, quarta pars, nempe borealis, tantum dimidia, hoc vtitur mercimonio, nec sulphuris mica in vectigal Insula penditur.

Enter page number Go  Previous Next
Page 313 of 460
Words from 87609 to 87873 of 127955