Id Profecto Necessario Addendum Fuit:

Hanc scilicet glaciem, voces humanas, secundum Historicos, representatem, & damnatorom receptaculum existentem, non esse, vt reliqua in vastissima hac vniuersitate omnia, ex Elementi alicuius materia conflatam.

Siquidem cum corpus esse videatur, corpus tamen non sit, (quod ex Frisij paradoxo recte deducitur) cum etiam corpora dura & solida perrumpat, non secus ac, spectra & genij: Restat igitur cum non sit elementaris natura, vt vel spiritualem habeat materiam, vel coelestem, vel quod ipsi forsan largiantur, infernalem. Infernalem tamen esse non assentiemur, quia ad aures nostras peruenit frigus infernale longe esse intractabilius, quam est hac glacies, humanis manibus in scrinio reposita, nec quicquam suo contactu, vel nudatam carnem ladere valens. Nec profecto spiritualem esse dabimus; accepimus enim a Physicis, substantias spirituales nec cerni, nec tangi, nec ijs quicquam decedere posse: qua tamen omnia in hanc historicorum glaciem, quantumuis, secundum illos, hyperphysicam, cadere certum & manifestum est. Praterea & hoc verissimum est, eam calore solis resolutam, ac in superficie sua stagnantem, siti piscatorum restinguenda, non secus ac riuos terrestres, inseruire: Id quod substantia spirituali denegatum est. Non est igitur spiritualis, vt nec infernalis. Iam vero coelestem habere materiam, nemo audebit dicere: Ne forte inde aliquis suspicetur, glaciem hanc barathrum, quod illi Historici affingunt, secum e coelo traxisse: Vel id coelo, quippe eiusdem materia cum glacie, commune esse, atque ita carcer damnatorum cum Paradiso coelesti loca commutasse, Historicorum culpa putetur.

Quare cum glacies hac Historica nec sit elementaris, vt ex prasenti loco Frisij optime sequi iam toties monuimus: nec spiritualis, nec infernalis, quod vtrumque breuibus, solidis tamen rationibns demonstrauimus:

Enter page number Go  Previous Next
Page 303 of 460
Words from 84996 to 85249 of 127955