Et Multos Nostratium Enumerare Possum, Qui In Ipso Venationis Actu Longiuscule A Littore Digressi, Glacie A Zephyris Dissipata, Multa Milliaria Glaciei Insidentes, Tempestatis Violentia Profligati, & Aliquot Dies Ac Noctes Continuas Crudelissimi Pelagi Fluctibus Iactati, Sicque (Id Enim, Inquam, Ex Prasenti Historicorum Problemate Consequitur) Tormenta & Cruciatus Barathri Glacialis Experti Sunt:

Qui tandem mutata tempestate, atque a Borea spirantibus ventis, ad littora, cum hoc suo glaciali nauigio rursus adacti, incolumes domum peruenerunt:

Quorum aliqui etiam hodie viuunt. Quare hoc nouitatis auidi arripiant, indeque, si placet, iustum volumen conficiant, atque ad Historiam suam apponant. Nec enim vanissima illa commenta aliter, quam eiusmodi iocularibus excipienda & confundenda videntur. Caterum, ioco seposito, vnde digressi sumus, reuertamur.

Primum igitur ex sectione secunda satis constat, glaciem, neque septem, neque octo mensibus circa ipsam Insulam fluitare: Deinde etiam, glaciem hanc, et si interdum ex collisione grandes sonitus & fragores edit, interdum propter vndarum alluuionem, raucum murmur personat, quicquam tamen humana voci simile resonare aut eiulare minime fatemur.

Quod autem dicunt, nos & in glacie, & in monte Hecla loca statuere, in quibus anima, nostrorum crucientur, Id vero serio pernegamus, Deoque ac Domino nostro Iesu Christo, qui nos a morte & inferno eripuit, & regni coelestis ianuam nobis reserauit, gratias ex animo agimus, quod nos de loco, in quem anima nostrorum defunctorum commigrent, rectius, quam dicunt isti Historici, instituerit. Scimus & tenemus animas piorum non in Purgatoriam Pontificiorum, aut campos Elysios, sed in sinum Abraba, in manum Dei, in Paradisum coelestem, mox e corporis ergastulo transferri. Scimus & tenemus de impiorum animabus, non in montanos focos & cineres, vel glaciem nostris oculis expositam, deflectere, sed in extremas mox abripi tenebras, vbi est fletus & stridor dentium, vbi est frigus, vbi est ignis ille, non vulgaris, sed extra nostram scientiam & subtilem disputationem positus.

Enter page number Go  Previous Next
Page 298 of 460
Words from 83647 to 83929 of 127955