Qui Mundi Historias, Bona Fide, Aterna Memoria Consecrarunt:

Qui linguarum cognitionem suis indefessis laboribus iuuerunt:

Denique qui aliorum in se suamue gentem vel patriam, licentiosam petulantiam reprimere, calumnias refellere, & quandam quasi vim iniustam propulsare annixi sunt.

Et quidem ego, cui literas vix, ac ne vix quidem videre contigit, omnium qui diuina Palladi nomen dederunt, longe infimus (vt id ingenue de mea tenuitate confitear) facere certe non possum, quin me, in illorum aciem conferam, qui gentis sua maculam abluere, veritatem ipsam asserere, & conuitiantium iugum detrectare studuerunt: Maiora ingenio sors denegauit: Id quoquo modo tentare compellit ipsius veritatis dignitas, & innatus amor patria, quam extraneos nonnullos falsis rumoribus deformare, varijs conuitijs, magna cum voluptate proscindere, aliisque nationibus deridendam propinare comperimus. Quorum petulantia occurrere, & criminationes falsas, detectis simul scriptorum de hac Insula erroribus, apud bonos & cordatos viros, (Nam vulgus sui semper simile, falsi & vani tenacissimum, non est quod sperem me ab hac inueterata opinione abducere posse) diluere hoc commentariolo decreui.

Etsi autem Islandia multos habet, vt atate, ita ingenio & eruditione me longe superiores, ideoque ad hanc causam patria suscipiendam multo magis idoneos: Ego tamen optimi & clarissimi viri, Dom. Gudbrandi Thorlacij, Episcopi Holensis, apud Islandos, sollicitationibus motus communi causa, pro viribus, nequaquam deesse volui, tum vt aquissima postulationi ipsius parerem, atque amorem & studium debitum erga patriam declararem, tum vt reliquos sympatriotas meos, in bonarum literarum scientia foelicius versatos, atque in rerum plurimarum cognitione vlterius progresses, ad hoc gentis nostra patrocinium inuitarem: Tantum abest, vt ijs qui idem conabuntur, obstaculo esse voluerim.

Caterum vt ad rem redeamus, quoniam illi quicunque sunt nostra gentis obtrectatores, testimonio scripto se vti ac niti iactitant:

Enter page number Go  Previous Next
Page 239 of 460
Words from 67967 to 68231 of 127955