Prout In Charta Nostra Inde Confecta Plenius Continetur: [Sidenote:

Charta anno regni sexio confecta.] quam quidem Chartam per singulos comitatus regni nostri super costeras maris fecimus publicari, & firmiter inhiberi, ne qui mercatores indigena seu alienigena contra tenorem Charta pradicta sub poenis contentis in eadem venerint vllo modo:

Ac postmodum dato nobis intelligi, quod quamplures mercatores tam indigena quam alienigena, lanas & pelles lanutas infra regnum & potestatem pradictas ementes, & se cum eisdem lanis & pellibus ad vendendum eas ad alia loca in dictis terris, quam ad Stapulam iuxta concessionem nostram pradictam per Maiorem & communitatem dictorum mercatorum de regno nostro in aliqua terrarum illarum ordinatam & assignatam transtulerint in nostri contemptum, & contra Chartam ordinationis, publicationis & inhibitionis pradictarum assignauerimus quosdam fideles nostros in diuersis partibus regni ad inquirendum de lanis & pellibus lanutis ad dictas terras alibi quam ad Stapulam illam ductis, ita quod emenda inde ad nos pertinentes, ad opus nostram leuentur; etiam intellexerimus, quod quasi omnes mercatores tam indigena quam alienigena huiusmodi mercimonia in dicto regno nostro exercentes sunt culpabiles de pramissis: & quod plures inde indictati, ac alij timentes inde indictari, lanas suas ac pelles lanutas sub nominibus aliorum non culpabilium faciunt aduocari, & extra regnum nostrum transmitti quibusdam alienigenis, sic culpabilibus in dictum regnum forsitan non reuersuris, vt sic forisfacturas pradictas effugiant, & nos de emenda ad nos sic pertinente illudant: qua si permitterentur sic transire in nostri damnum non modicum redundarent. Nos volentes huiusmodi fraudibus obuiare, & nostris damnis quatenus bono modo poterimus pracauere, vobis pracipimus firmiter iniungentes, quod a singulis mercatoribus lanas seu pelles lanutas per portum pradictum ad partes exteras ducere volentibus corporale sacramentum ad sancta Dei Euangelia recipiatis, quod ipsi lanas seu pelles lanutas sub nomine ipsius, cuius propria sunt, & non alterius aduocabunt, & tunc recepta ab illo cuius lana & pelles huiusmodi erunt, vel nomine suo sufficiente securitate pro qua respondere volueritis, de respondendo & faciendo nobis id quod ad nos pertinet de lanis & pellibus lanutis per ipsum ductis seu missis ad aliquam dictarum terrarum Flandria & Brabantia, & de Artoys contra formam Charta, proclamationis, & inhibitionis supradictarum, si ipsum super hoc conuinci contingat, lanas & pelles illas lanutas extra portum pradictum, recepta prius custuma debita de eisdem, ad partes exteras transire pemittatis.

Enter page number Go  Previous Next
Page 183 of 460
Words from 50640 to 50993 of 127955