And Is There Any Man So Fantasticall, That Wilbe Induced To Beleeue These Gulfes, Mentioned By Writers, To Be Any Where Extant, Although They Be Neuer So Ful Of Dead Mens Miracles?

Yea doubtlesse.

For from hence also they say, that reproches are iustly vsed against our nation: namely that there is nothing in all the world more base, & worthlesse then it, which conteineth hell within the bounds therof. This verely is the good that we haue gotten by those historiographers, who haue bin so greedy to publish nouelties. But this opinion, bred by the sottishnes of the common people hath hitherto (as I hope) bene sufficiently ouerthrowen as a thing foolish & vaine, and as being deuised for the vpbrayding of our nation. Wherefore, proceede (friendly Reader) and be farther instructed in this philosophy of infernall secrets.

SECTIO NONA.

[Sidenote: Frisius & Munst.] Circum vero Insulam, per septem aut octo menses fluctuat glacies, miserabilem quendam gemitum, & ab humana voce non alienum, ex collisione edens. Putant incola, & in monte Hecla, & in glacie loca esse, in quibus anima suorum crucientur.

Egregium scilicet Historia augmentum, de Orro Islandico in vnius montis basin, haud sane vastam, coacto: Et interdum (statis forsan temporibus) loca commutante. Vbi scilicet domi in foco montano delitescere piget, & exire, pelagusque sed sine rate, tentare iuuat, seseque in glaciei frustella colligere. Audite porro, huius secreti admiratores: En porrigam Historicis aliud Historia auctarium nequaquam contemnendum. Scribant igitur, quotquot his scriptorum commentis adherent, Islandos non solum infernum intra limites habere, sed & scientes volentes ingredi, atque intactos eodem die egredi. Quid ita? Quia peruetus est Insula consuetudo, vt maritimi in hanc glaciem, ab Historicis infernalem factam, mane phocas, seu vitulos marinos captum eant, ac vesperi incolumes redeant. Addite etiam, in scrinijs & alijs vasis ab Islandis carcerem damnatorum asseruari, vt paulo post ex Frisio audiemus.

Sed mature pravidendum erit vobis, ne Islandi fortitudinis & constantia laudem vestris nationibus praripiant: Quippe qui tormenta (vt historicis vestris placet) barathri sustinuisse & velint & possint, illaque sine vllo grauiore damno perrumpere atque effugere valeant, quod quidem ipsum ex iam dictis efficitur: Et multos nostratium enumerare possum, qui in ipso venationis actu longiuscule a littore digressi, glacie a Zephyris dissipata, multa milliaria glaciei insidentes, tempestatis violentia profligati, & aliquot dies ac noctes continuas crudelissimi pelagi fluctibus iactati, sicque (id enim, inquam, ex prasenti Historicorum problemate consequitur) tormenta & cruciatus barathri glacialis experti sunt: Qui tandem mutata tempestate, atque a Borea spirantibus ventis, ad littora, cum hoc suo glaciali nauigio rursus adacti, incolumes domum peruenerunt: Quorum aliqui etiam hodie viuunt. Quare hoc nouitatis auidi arripiant, indeque, si placet, iustum volumen conficiant, atque ad Historiam suam apponant. Nec enim vanissima illa commenta aliter, quam eiusmodi iocularibus excipienda & confundenda videntur. Caterum, ioco seposito, vnde digressi sumus, reuertamur.

Primum igitur ex sectione secunda satis constat, glaciem, neque septem, neque octo mensibus circa ipsam Insulam fluitare: Deinde etiam, glaciem hanc, et si interdum ex collisione grandes sonitus & fragores edit, interdum propter vndarum alluuionem, raucum murmur personat, quicquam tamen humana voci simile resonare aut eiulare minime fatemur.

Quod autem dicunt, nos & in glacie, & in monte Hecla loca statuere, in quibus anima, nostrorum crucientur, Id vero serio pernegamus, Deoque ac Domino nostro Iesu Christo, qui nos a morte & inferno eripuit, & regni coelestis ianuam nobis reserauit, gratias ex animo agimus, quod nos de loco, in quem anima nostrorum defunctorum commigrent, rectius, quam dicunt isti Historici, instituerit.

Enter page number Go  Previous Next
Page 159 of 243
Words from 83308 to 83860 of 127955