Cuius Historiam, Quia & Breuis Est, & Non Illepida, Subijciam, Ab Hieronimo Benzone Italo In Historiar Noui Orbis, Lib.

2.

His verbis descriptam.

Triginta quinque, inquit, milliarium interuallo abest Legione mons flammiuomus, qui per ingentem craterem tantos sape flammarum globos eructat, vt noctu latissime vltra 10000. passuum incendia reluceant. Nonnullis fuit opinio, intus liquefactum aurum esse, perpetuam ignibus materiam. Itaque Dominicanus quidam monachus cum eius rei periculum facere vellet, ahenum & catenam ferream fabricari curat moxque in montis iugum cum quatuor alijs Hispanis ascendens, catenam cum aheno ad centum quadraginta vlnas in caminum demittit. Ibi ignis feruore, ahenum cum parte catena liquefactum est. Monachus non leuiter iratus Legionem recurrit, fabrum incusat, quod catenam tenuiorem multo, quam iussisset ipse, esset fabricatus. Faber aliam multo crassiorem excudit. Monachus montem repetit: Catenam & lebetem demittit. Res priori incoepto similem exitum habuit. Nec tantum resolutus lebes euanuit, verum etiam flamma globus repente e profundo exsiliens, propemodum & Fratrem & socios absumpsit. Omnes quidem adeo perculsi in vrbem reuersi sunt, vt de eo incoepto exequendo nunquam deinceps cogitarent &c.

O quam censura dispar? In montano India occidentalis camino auram: Islandia vero, infernum quarunt. Sed hoc vt nimis recens, ac veteribus ignotum fortasse reijcient: Cur igitur eundem, quem in Hecla Islandia, animarum in Chimara carcerem, Lycia monte, cuius noctu diuque flamma immortalis perhibetur, non sunt imaginati scriptores? Cur no in Ephesi montibus, quos tada flammante tactos, tantum ignis concipere accepimus, vt lapides quoque & arena in ipsis aquis ardeant, & ex quibus accenso baculo, si quis sulcum traxerit, riuos ignium sequi narrator a Plinio? Cur non in Cophantro Bactrorum monte, noctu semper conflagrante? Cur non in Hiera Insula, medio mari ardente? Cur non in Aolia, similiter in ipso mari olim dies aliquot aliquot accensa? Cur non in Babyloniorum campo, interdiu flagrante? Cur non in Athiopum campis, Stellarum modo, noctu semper nitentibus? Cur non in illo Lipara tumulo, ampla & profunda voragine hiante, teste Aristotele, ad quem non tuto noctu accedatur: ex quo Cymbalorum sonitus, crotalorum boatus, cum insolitis & inconditis cachinnis exaudiantur? Cur non in Neapolitanorum agro ad Puteolos? Cur non in illa superius commemorata Teneriffa pyramide montana, instar Atna, iugiter ardente, & lapides, vt ex Munstero videre est, in aera exspuente? Cur non in illo Aethiopum iugo, quod Plinius testatur, horum omnium maximo aduri incendio? Cur non denique in Vesuuio monte, non sine insigni vicinia clade, & C. Plinij exitiali detrimento, dum insueti incendij causas perscrutaturus venit, nubium tenus flammas cum saxis euomente, pumicum & cinerum ineffabili copia aera replente, & solem meridianum per totam viciniam densissimis tenebris intercipiente? Dicam, & dicam quod res est: Quia scilicet illis, vtpote notioribus, fidem, etsi inferni esse incendia finxissent, minime adhiberi prauidebant: Hecla vero astum, cuius rumor tardius ad eorum aures peruenit, huic commento vanissimo stabiliendo, magis inseruire putabant. Sed facessite: Deprahensa fraus est: Desinite posthac illam de inferno Heklensi opinionem cuiquam velle persuadere. Docuit enim & nos, & alios, vobis inuitis, consimilibus incendijs, operationes suas Natura, non Infernus. Sed videamus iam plura eiusdem farina vulgi mendacia, qua Historicis & Cosmographis nostris adeo male imposuerunt.

The same in English.

THE SEUENTH SECTION.

[Sidenote: Frisius. Munsterus.] The flame of mount Hecla will not burne towe (which is most apt for the wieke of a candle) neither is it quenched with water:

Enter page number Go  Previous Next
Page 148 of 243
Words from 77562 to 78085 of 127955