Il y a citez et chasteau
assez, et tant de marcheanz et si riches qui font venir tant d'avoir-de-
poiz et de toute espece de marchandise qu'il n'est hons qui la verite en
sceust dire.
Font venir d'Ynde et d'autres parties coton a grant
plante, et font venir soye de Manzi et de Bangala, et font venir
laine des ysles de la Mer Occeane et de toutes parties. Et si labourent
maintz bouquerans et touailles et autres draps de coton et de laine et
de soye. Encores sachies que ont vaines d'acier assez, et si en
labourent trop soubtivement de tous hernois de chevalier, et de toutes
choses besoignables a ost; ce sont espees et glaive et esperon et heaume
et haches, et toute espece d arteillerie et de coutelerie, et en font
grant gaaigne et grant marchandise. Et en font si grant habondance que
tout li mondes en y puet avoir et a bon marchie".
Encores cy devise dou dyt roiaume, et de ce qu'en dist Messires
Marcs.
"Et sachies que tient icelle Royne la seigneurie de l'Ynde majeure et
de Mutfili et de Bangala, et d'une moitie de Mien. Et moult est
saige et noble dame et pourveans, si que est elle amee de chascun. Et
avoit jadis mari; et depuys qu'il mourut bien XIV ans avoit; adonc la
royne sa fame l'ama tant que oncques puis ne se voult marier a nullui,
pour l'amour le prince son baron, ancois moult maine quoye vie.
Enter page number
PreviousNext
Page 14 of 1256
Words from 3606 to 3858
of 342071
